Presgripsiynau Natur wedi cyrraedd carreg filltir sylweddol
Dechreuodd cynllun Presgripsiynau Natur ar Ynysoedd Shetland yn 2018, a arweiniodd at gynllun peilot llwyddiannus yng Nghaeredin. Yn 2023, cafodd ei ddatblygu ar draws Lloegr, a drwy garedigrwydd chwaraewyr Loteri Cod Post y Bobl, lansiwyd y cynllun yng Nghaerdydd a Chasnewydd.
On this page
Beth yw Presgripsiynau Natur yr RSPB?
Cyhoeddwyd: 2 Hydref 2025
Mae tystiolaeth gref yn dangos bod treulio amser yn natur yn gallu lleihau straen a gorbryder tra'n gostwng pwysedd gwaed ac yn hybu imiwnedd drwy gynyddu gweithgarwch corfforol.
Mae Presgripsiynau Natur yn ffordd non-feddygol, arloesol ac am ddim i'w defnyddio, i helpu bobl wella eu hiechyd a'u lles drwy weithgareddau hygyrch, hunan-arwain, y gellir eu gwneud o'r cartref, ar eu pennau eu hunain neu gyda eraill; ac maent yn anelu at greu cysylltiadau parhaol gyda natur.
Mae’n gallu bod mor syml â gwrando ar sŵn adar yn canu. Mae’r presgripsiynau’n cynnwys calendr o syniadau syml er mwyn helpu i bobl sylwi ar y natur sydd o’u cwmpas.
Carreg filltir sylweddol wedi cyrraedd
Er dim ond yn fis Gorffennaf a lansiwyd y cynllun yng Nghymru, rydym wrth ein bodd bod sefydliadau iechyd ledled de Cymru wedi croesawu ein menter Presgripsiwn Natur. Trwy garedigrwydd chwaraewyr Loteri Cod Post y Bobl, mae RSPB Cymru wedi hyfforddi dros 100 o unigolion o bron i 20 Practis Feddygon Teulu a sefydliadau iechyd ledled Caerdydd a Chasnewydd, ar sut i wella iechyd a lles trwy gysylltu pobl â natur. Mae dros 3,500 o daflenni eisoes wedi cael eu dosbarthu i 35 o bartneriaid gwahanol gyda mwy ar y gweill.
Beth nesaf?
Bydd hyfforddiant pellach yn cael ei gyflwyno yn Sir y Fflint, Abertawe, Wrecsam, gogledd Powys a Bro Morgannwg dros y misoedd nesaf. Rydym yn credu'n gryf y dylai natur fod i bawb ac felly rydym hefyd yn cynhyrchu llyfrynnau ar gyfer y rhai yn y gymuned glyw a'r rhai sy'n anabl o glyw, yn ogystal â fersiynau sy'n gyfeillgar i bobl â dementia ac i deuluoedd/'Flying Start'. Am fwy o wybodaeth, ewch i Nature Prescriptions: connecting to nature to boost health and wellbeing.
Os ydych chi’n gweithio i sefydliad sy’n cefnogi llesiant, ac mae gennych ddiddordeb mewn cynnig Presgripsiynau Natur RSPB, cysylltwch â: natureprescriptions@rspb.org.uk.