Mae’r canlyniadau wedi cyrraedd

Beth yw canfyddiadau arolwg mwyaf y byd o fywyd gwyllt yn yr ardd?

9.4 miliwno adar wedi’u cofnodi yn ystod digwyddiad Gwylio Adar yr Ardd 2026
650,000a mwy o bobl wedi cymryd rhan yn nigwyddiad Gwylio Adar yr Ardd 2026
13.4 miliwno oriau wedi’u treulio yn gwylio adar ers 1979

Archwiliwch ganlyniadau digwyddiad Gwylio Adar yr Ardd 2026

Edrychwch ar ein tudalen canlyniadau rhyngweithiol i weld pa adar sydd wedi symud i fyny a pha rai sydd wedi symud i lawr yn siartiau digwyddiad Gwylio Adar yr Ardd. Ydy’r canlyniadau’n adlewyrchu’r hyn rydych chi wedi’i weld yn eich ardal chi? Dewiswch wlad i weld y deg uchaf yng Nghymru, Lloegr, yr Alban neu Ogledd Iwerddon.

Tabl Arweinwyr y 10 uchaf

Dewiswch flwyddyn i weld sut mae'r canlyniadau wedi newid dros amser, neu cliciwch ar wlad i weld y 10 uchaf yno.

Llwytho’r canlyniadau i lawr

Mae’r awr fawr wedi cyrraedd – datgelu canlyniadau Gwylio Adar yr Ardd!

Eisteddwch yn ôl a mwynhewch ein ffilm fer lle rydyn ni’n datgelu canlyniadau digwyddiad Gwylio Adar yr Ardd 2026. Sut mae deg uchaf y DU yn cymharu â’r hyn welsoch chi yn eich sesiwn Gwylio Adar chi? 

Gwylio Adar yr Ardd 2026: Pa aderyn ddaeth i’r brig?

Wedi mwynhau gweld ymwelwyr yn eich gardd?

Helpwch i’w diogelu drwy gydol y flwyddyn. Drwy gymryd rhan, rydych chi eisoes wedi helpu i ddatgelu sut mae ein hadar yn ymdopi. Ydych chi eisiau cadw’r effaith honno drwy’r flwyddyn? Ymaelodwch â’r RSPB a throi penwythnos o wylio adar yn weithred hirdymor dros fyd natur. 

Fel aelod, byddwch chi'n mwynhau'r canlynol: 

  • Mynediad unrhyw bryd i 170 a mwy o warchodfeydd natur – cyfle perffaith i wylio bywyd gwyllt a mwynhau byd natur 
  • Cylchgronau rheolaidd yr RSPB sy’n llawn straeon, awgrymiadau ac ysbrydoliaeth 
  • Y boddhad o wybod eich bod yn ariannu prosiectau cadwraeth hanfodol a hirdymor sy’n gwarchod adar bob dydd. 

Gwnewch i’ch sesiwn Gwylio Adar fynd ymhellach

 

Deall adar yr ardd

Mae Gwylio Adar yr Ardd yn rhoi cipolwg o sut mae adar yn ymdopi. Dyma’r arolwg mwyaf yn y byd o fywyd gwyllt mewn gerddi ac, am ei fod yn cael ei gynnal bob blwyddyn, rydyn ni’n gallu edrych ar dueddiadau dros amser. Mae ymchwil fel yr Arolwg Adar Bridio ac arolygon gwyddonol eraill yn ein galluogi i ddeall unrhyw newidiadau yn well.

Mae Adar y To angen ein help ni

Aderyn y To yw un o adar mwyaf cyffredin y DU. Dyma’r aderyn sy’n cael ei weld amlaf yn ystod y sesiynau Gwylio Adar yr Ardd, ond yn anffodus mae’r niferoedd bridio wedi gostwng yn sylweddol ers dechrau cadw cofnodion dros y 50 mlynedd diwethaf. Yn 2002, ychwanegwyd Aderyn y To at Restr Goch y DU o adar y mae pryder mawr ynglŷn â’u cadwraeth. Er bod cynnydd wedi bod mewn rhai ardaloedd dros y ddegawd ddiwethaf, mae Aderyn y To yn dal i fod ar y Rhestr Goch. Un ffordd o helpu adar yr ardd yw drwy annog pryfed. Beth am adael i ran o’ch gardd dyfu’n wyllt y gwanwyn a’r haf hwn? Byddwch chi’n cael seibiant ac yn elwa’n fawr o ddigwyddiad nesaf Gwylio Adar yr Ardd. 

A male and female House Sparrow perched together on a branch.

Troi’r llanw er budd natur

Mae’r problemau sy’n wynebu adar yn niferus ac yn amrywiol, sy’n golygu bod angen i ni gymryd camau ym mhob math o feysydd. O arddio i fywyd gwyllt i’r ffordd rydyn ni’n ffermio ac yn rheoli ein hafonydd, mae’r cyfan yn effeithio ar fyd natur. Dyna pam rydyn ni’n gweithio’n ddiflino i achub, diogelu a brwydro dros natur. A phan fyddwn ni’n dod at ein gilydd dros fyd natur, mae’n gweithio. 

Llwyddwyd i achub yr adar a oedd bron â chael eu colli yn y DU. 

Mae’r ffordd mae ein haelodau'n helpu yn gwneud gwahaniaeth

Diolch i ymdrechion cadwraeth ymroddedig, mae’r Barcud Coch yn hedfan yn uchel yn yr awyr unwaith eto ac mae llais y Bwn yn adleisio eto yn ein gwlyptiroedd. Ni fyddai hyn yn bosibl heb gefnogaeth ein haelodau, gwirfoddolwyr a llawer o bobl eraill – diolch yn fawr!

Sut mae helpu adar yr ardd

A fethodd y Gwenoliaid â dychwelyd eleni? Dim Titwod Tomos Gleision yn eich pysgnau? Ble mae’r holl ddrudwy? Mae gennym ni’r atebion - a rhywfaint o gyngor.

Mwynhewch wylio adar drwy gydol y flwyddyn mewn gwarchodfa natur yr RSPB

Os ydych chi wedi mwynhau digwyddiad Gwylio Adar yr Ardd eleni, ewch i un o’n hafanau natur, sydd wedi ymrwymo i ofalu am adar a bywyd gwyllt arall. Mae dros 170 ledled y DU, gyda llawer yn cynnal teithiau cerdded tywysedig a digwyddiadau i’ch helpu i ddysgu mwy am adar.

or see all our locations
An overview of the café at Old Moor Reserve, wooden tables with white and grey plastic chairs.
Old Moor Cafe

Dearne Valley – Old Moor

Barnsley and Rotherham

Crwydrwch drwy gynefinoedd gwlyptiroedd yn Old Moor, gyda golygfeydd ysgubol o'r cuddfannau, mae'r warchodfa natur hon sy'n addas i deuluoedd yn llawn bywyd gwyllt. Mwynhewch deithiau cerdded delfrydol, gwylio bywyd gwyllt, trochi mewn pyllau a maes chwarae antur i blant.

Reserve of the month