Boed chi'n chwilio am ychydig o lonyddwch neu am antur a darganfod, beth am ymuno â ni am ddiwrnod allan gyda byd natur yn un o 18 o warchodfeydd natur RSPB Cymru.
O Ynys Môn yn y Gogledd Orllewin i Gasnewydd yn y De Ddwyrain, ein gwarchodfeydd natur yw'r mannau perffaith i fwynhau golygfeydd a synau byd natur. Gyda choetiroedd sy’n llawn cân adar, morlynnoedd sy’n darparu lloches i gannoedd o adar hirgoes, a dinasoedd trawiadol adar y môr - yr hyn sy'n sicr, pa warchodfa bynnag rydych chi'n ymweld â hi, yw taith o ddarganfod mewn byd heb ei ddifetha lle mae natur yn cael ei adfer, ei warchod, ac yn gallu ffynnu.
Diwrnodau allan sy'n tanio chwilfrydedd unigolion o bob oed. Gall plant chwarae, archwilio a dysgu, wrth i chi fwynhau heddwch mannau gwyllt sy'n llawn adar a bywyd gwyllt.
O arfordir garw i wlyptiroedd a choetiroedd hynafol, mae ein gwarchodfeydd yn diogelu rhai o gynefinoedd mwyaf gwerthfawr Cymru a'r bywyd gwyllt sy'n dibynnu arnynt.
Mwynhewch flas ar Ynys Môn yng nghaffi pen clogwyn Ynys Lawd neu ginio ysgafn a danteithion melys gyda golygfa yng Ngwlyptiroedd Conwy neu Gasnewydd.
Gyda llwybrau sy'n addas i gadeiriau olwyn, trampwyr i’w llogi a staff croesawgar, mae ein gwarchodfeydd yn ei gwneud hi'n hawdd profi bywyd gwyllt ar eich cyflymder eich hun.
Mae ymweld â gwarchodfeydd yr RSPB yng Nghymru yn gyfle i brofi tirweddau trawiadol a bywyd gwyllt amrywiol yn agos.
Ydych chi'n chwilio am ddiwrnod allan gyda'r plant a fydd yn diddanu pawb? Boed law neu hindda, gallwch chi ddod o hyd i syniadau ar gyfer gweithgareddau hwyliog, digwyddiadau teuluol, neu barthau chwarae natur yn ein gwarchodfeydd sy'n addas i deuluoedd. Ewch â'ch fforwyr bach (a mawr) allan am y diwrnod yn un o'n gwarchodfeydd sy'n cynnig diwrnod gwych i'r teulu.
Natur yw'r maes chwarae gorau. Yn ein gwarchodfeydd, mae pob eiliad o chwarae yn yr awyr agored yn helpu plant i dyfu, dychmygu a chysylltu â'r byd naturiol. Mae'r awyr agored, pob deilen, boncyff a phwll yn bosibilrwydd newydd. Mae chwarae naturiol yn helpu plant i ddatblygu cariad gydol oes at fyd natur - a hynny tra’n cael amser mwdlyd ac arbennig. Maen nhw'n gallu adeiladu cuddfannau o frigau a dail, troedio ar draws boncyffion sydd wedi cwympo, a chwilio am fwystfilod bach o dan gerrig.
Mae ein mannau chwarae sy'n seiliedig ar natur yn cynnig amgylchedd diogel i blant ddringo, siglo, llithro ac archwilio. Gan gyfuno deunyddiau naturiol â dyluniad chwareus, maen nhw'n berffaith i archwilwyr iau fagu hyder, gwneud ffrindiau, a mwynhau'r rhyddid sy’n dod o chwarae ym myd natur.
Ewch i’r gwarchodfeydd hyn i gael tamaid blasus i'w fwyta - boed yn gaffi clyd neu'n lle i gael byrbryd cyflym, mae rhywbeth i'ch paratoi chi a'ch criw am fwy o anturiaethau natur.
Rydym ni’n gofalu am dros 170 o warchodfeydd natur ledled y DU. P'un a ydych chi'n chwilio am daith gerdded wyntog ar ben clogwyn, cuddfan yn y goedwig, neu dro hamddenol drwy ddolydd a gwlypdiroedd, cynlluniwch eich antur natur nesaf yn un o'n gwarchodfeydd natur.
Dewch o hyd i'r mannau gorau i gerdded yn y gwarchodfeydd natur. O lwybrau arfordirol i draciau drwy goetir hynafol a llwybrau hygyrch, mae rhywbeth i bawb ei fwynhau. Dewch o hyd i'r mannau gorau i gerdded yn y gwarchodfeydd natur. O lwybrau arfordirol i draciau drwy goetir hynafol a llwybrau hygyrch, mae rhywbeth i bawb ei fwynhau.
Dyma fannau gwych i ymweld â nhw gyda'ch ci. Gwnewch yn siŵr bod eich ci bob amser yn cael ei gadw ar dennyn byr i'n helpu i warchod bywyd gwyllt a byd natur. Efallai y bydd rhai gwahaniaethau rhwng gwarchodfeydd lle caniateir cŵn, felly edrychwch ar bob gwarchodfa cyn ymweld.
Mae natur angen pawb; ein nod yw gwneud ein mannau hyfryd yn hygyrch i gynifer o bobl â phosibl. Edrychwch ar ein prif warchodfeydd am gyfleusterau hygyrch, llogi cadeiriau olwyn a thrampwyr, er mwyn i chi allu archwilio cymaint o'n gwarchodfeydd â phosibl. Os oes gennych unrhyw ofynion penodol ar gyfer eich ymweliad, rydym ni’n eich annog i gysylltu â'n staff cyfeillgar.
.jpg){kind=small}
